Türk Hərəkatı İctimai Birliyi özünüdərk, milli birlik, Azərbaycanın ərazi bütövlüyü, bütün istiqamətlərdə inkişafı, öncüllüyü və demokratiyası uğrunda mübarizə aparan fərdləri və qurumları özündə birləşdirən ictimai təşkilatdır.

THİB eyni milli ideoligiyaya, əxlaqi-mənəvi dəyərlərə söykənmiş toplumun ümummilli mənafeyinin tələb etdiyi hallarda ortaq rəyə, ortaq əmələ gələ bilməsi xüsusiyyəti olan milli birlik aranması istiqamətlərində fəaliyyət göstərir.

THİB milliyyətçiliyə və vətənpərvərliyə əks olan istənilən qarşıdurma təzahürlərinin aradan qaldırılması, milli özünəgüvənc hissinə, milli müqavimət gücünə malik toplum formalaşdırılması uğrunda mübarizə aparır.

THİB Azərbaycan dövlətciliyinə, vətənə, millətə, milli maraqlara inkişaf və demokratiyaya, vətəndaş hüquqlarına zidd olan istənilən hərəkətlərə qarşıdır. THİB bu istiqamətdə fəaliyyət göstərən fərdlərin və kollektivlərin əlaqələndirilməsinə çalışır.
THİB regional, sinfi, siyasi motivli dağıdıcı faktorları və separatizmə qarşı barışmaz mübarizə yolunu tutur.

THİB üçün Azərbaycanda siyasi bölgülər yoxdur. Millətini, vətənini sevənlər və sevməyənlər bölgüsü var. Azərbaycanı və onun millətini sevənlər dostlar, sevməyənlər isə düşmənlərdir. Bu baxımdan THİB-nin rəqibi yoxdur. THİB ictimai və siyasi qüvvələr arasındakı münasibətlərin hər şeydən öncə eyni vətənin və eyni millətin övladı olmağımız prinsipinə uyğun qurulması istiqamətində çalışır.

THİB Azərbaycanın bütün problemlərinin həllini millətin milli birliyində, milli və öncül düşüncəsində, milli gücünün ortaya qoyulmasında və millətçilik, vətənpərvərlik keyfiyyətlərinin artırılmasında görür.

THİB Azərbaycanın iqtisadi və hərbi qüdrətinin artırılması üçün tam gücünü sərf edir və bu istiqamətdə millətin və dövlətin səylərinin gücləndirilməsinə çalışır.
THİB millətin elmi potensialının artırılmasına çalışır. Türk gəncliyinin yüksək intellektivliyinə nail olması istiqamətində səy göstərir. Düşmənlərə qarşı informasiya savaşına Türk gəncliyinin hazırlanmsaı istiqamətində çalışır və işlər aparır.

THİB sosial-müdafiə, yardım və mənəvi dəstəyi milli vətənpərvərlik tərbiyəsinin əsas şərtlərindən biri hesab edir və bu istiqamətdə fəaliyyət göstərir.

THİB Türk dövlətləri arasında münasibətlərin müsbət istiqamətdə inkişafında maraqlıdır. THİB Türk dövlətləri arasında infərmasiya, ictimai, mədəni, elmi və iqtisadi münasibətlərin qurulması istiqamətində cəhdlər edir. THİB hesab edir ki, Türk dövlətlərindən ibarət yaranması mümkün olan hər hansı iqtisadi birlik Avropa Birliyindən daha qüdrətli ola bilər. Bütün bunlara nail olmaq üçün THİB Türk dövlət və muxtariyyatlarına nümayəndələr göndərir.

Nəhayət, THİB Türk dövlətləri arasında ciddi-iqtisadi münasibətlərin yaranması, vahid pul və vahid dilin formalaşmasının tərəfdarıdır və bunları bütövlükdə türk xalqlarının inkişafı üçün ən vacib şərtlər sayır.